Act 1 | Ndebele | STEP | Ukulandisa kokuqala ngakwenza, Teyofilu , ngakho konke uJesu aqala kokubili ukukwenza lokukufundisa,

1 Ukulandisa kokuqala ngakwenza, Teyofilu ^a, ngakho konke uJesu aqala kokubili ukukwenza lokukufundisa, 2 kwaze kwaba lusuku akhutshulwa ngalo ^b, esebalayile ngoMoya oNgcwele abaphostoli ayebakhethile ^c; 3 wazibonakalisa futhi kubo ^d ephilile emva kokuhlupheka kwakhe ngobufakazi obunengi obuqinisekileyo, wabonwa yibo okwensuku ezingamatshumi amane, ekhuluma ngezinto ezimayelana lombuso kaNkulunkulu ^e. 4 Kwathi ehlangene labo, wabalaya ukuthi bangasuki eJerusalema ^f, kodwa balindele isithembiso sikaBaba ^g, elasizwa ngami ^h; 5 ngoba ngeqiniso uJohane wabhabhathiza ngamanzi ⁱ, kodwa lina lizabhabhathizwa ngoMoya oNgcwele kungakadluli insuku ezinengi ^{j
,} ^k.

Ukwenyuka kukaJesu

6 Kwathi sebebuthene bambuza bathi: Nkosi, uzabuyisela umbuso kuIsrayeli kulesisikhathi yini ^l? 7 Wasesithi kubo: Kakusikho okwenu ^m ukwazi izikhathi kumbe imizuzu ⁿ ayimisileyo uBaba ngawakhe amandla ^o; 8 kodwa lizakwemukela amandla ^p, esefikile phezu kwenu uMoya oNgcwele ^q; njalo libe ngabafakazi bami eJerusalema kanye layo yonke iJudiya ^r leSamariya, njalo kuze kube semkhawulweni womhlaba ^s.

9 Kwathi esetshilo lezizinto, wakhutshulwa bekhangele, leyezi lamsusa emehlweni abo ^t. 10 Bathi besajolozele ezulwini, esenyuka ^u, njalo khangela, amadoda ^v amabili ^w ema labo elezembatho ezimhlophe ^x, 11 njalo athi: Madoda maGalili, limeleni lijolozele ezulwini ^y? UJesu lo, osuswe kini wenyukiselwa ezulwini ^z, uzabuya ^aa ngokunjalo ngendlela elimbone esiya ngayo ezulwini ^ab.

12 Basebebuyela eJerusalema ^ac bevela entabeni ethiwa ngeyoMhlwathi ^ad, eseduze leJerusalema, ummango wohambo lwesabatha ^ae. 13 Kwathi sebengenile, benyukela endlini ephezulu ^af, lapho ababehlala khona, uPetro loJakobe ^ag loJohane loAndreya, uFiliphu loTomasi, uBartolomewu loMathewu, uJakobe kaAlfewu loSimoni umZelothi ^ah, loJudasi ^ai kaJakobe ^aj. 14 Bonke laba baphikelela ^ak bengqondonye emkhulekweni lekuncengeni ^al, kanye labesifazana loMariya unina kaJesu ^am, njalo labafowabo ^an.

Ukukhethwa kukaMathiyasi

15 Kwathi ngalezonsuku uPetro wasukuma phakathi kwabafundi, kwakulexuku labantu ndawonye elalingaba likhulu lamatshumi amabili ^ao, wathi: 16 Madoda bazalwane, kwakumele ukuthi lumbhalo ugcwaliswe, uMoya oyiNgcwele awukhuluma ngaphambili ngomlomo kaDavida ngoJudasi ^ap, owayengumkhokheli walabo abambambayo uJesu ^aq, 17 ngoba wayebalwe kanye lathi ^ar, njalo wemukela isabelo salinkonzo ^as. 18 Lo-ke wathenga isiqinti ^at ngomvuzo wobubi ^au, wawa ngekhanda waqhekezeka phakathi, lemibilini yakhe yonke yachitheka ^av. 19 Njalo kwaziwa yibo bonke abakhileyo eJerusalema, saze sabizwa lesosiqinti ngolimi lwakibo ngokuthi iAkeldama ^aw, okuyikuthi iSiqinti segazi ^ax. 20 Ngoba kulotshiwe egwalweni lweziHlabelelo ukuthi: Umuzi wakhe kawube lunxiwa, njalo kungabi khona ohlala kuwo ^ay; lokuthi: Omunye kathathe ubuphathi bakhe ^az. 21 Ngakho kumele ukuthi kulawomadoda ayehamba lathi kuso sonke isikhathi lapho iNkosi uJesu yayingena njalo iphuma phakathi kwethu ^ba, 22 kusukela ebhabhathizweni lukaJohane ^bb, kwaze kwaba lusuku akhutshulwa ngalo kithi ^bc, omunye wabo kabe ngumfakazi kanye lathi wokuvuka kwakhe ^bd. 23 Basebemisa ababili, uJosefa othiwa nguBarsaba, othiwa futhi nguJustusi ^be, loMathiyasi ^bf. 24 Basebekhuleka ^bg besithi: Wena Nkosi, wena owaziyo inhliziyo zabo bonke, tshengisa kulaba ababili oyedwa ^bh, omkhethileyo, 25 ukwemukela isabelo kulinkonzo ^bi lobuphostoli ^bj, uJudasi aphambuka kuso ^bk, ukuthi aye endaweni engeyakhe ^bl. 26 Basebebapha inkatho yabo; lenkatho yadla uMathiyasi, wasebalwa kanye labaphostoli abalitshumi lanye ^bm.